Fortun, kampeon sa Elementarya ng 15th Photo Contest ng BCWD
Kasama ang Gen. Manager ng BCWD na si G. Anselmo Sang Tian at mga kawani nito sa pagtanggap ng gantimpala nina Hailey Monique A. Fortun at Gng. Daisy C. Balasabas.
Sa pagdiriwang ng ika-45 na anibersaryo ng Butuan City Water District (BCWD) ay may maraming mga gawain at patimpalak ang inihanda nila na may temang, “BCWD Surging High at 45.”
Isa na nito ang ginanap na 15thPhoto contest noong March 12, 2019 sa Sitio Mahayahay Taguibo, Butuan City na kung saan dito kumuha ng mga larawan ang mga nasabing kalahok. Ito’y sinalihan ng mga mag-aaral sa mga pampubliko at pribadong paaralan sa elementarya at sekundarya ng Sangay ng Lungsod ng Butuan.
Iba’t-ibang estilo, teknik at pamamaraan ng bawat retratistang mag-aaral para lamang makuha ang maganda at makahulugang kuha nila.
Narito ang mga nanalo: Elementarya: Champion – Hailey Monique A. Fortun – Mandacpan Elem. School, 2nd – Racy Antoinette A. Balite – Ong Yiu Central Elem. School, 3rd – Juls Roldan L. Gamuza – Precious Angels Learning Center of Caraga Sekundarya: Champion – Joanna Marie S. Tradio – Butuan City School of Art and Trade, 2nd – Zhannie Sheen A. Barlisan – Precious Angels Learning Center of Caraga,3rd – Dax E. Sendrijas – Enfant Cheri Study Center Inc. Ang mga nasabing nanalong mag-aaral ay nakatanggap ng medalya, sertipiko at at salapi. Idinaos ang parangal noong April 1, 2019 sa South Atrium ng Robinsons Mall, Syudad ng Butuan.
Sa kauna-unahang pagkakataon, nasungkit ni Hailey Monique A. Fortun ang nasabing kampeonato. Kasiyahan at Pasasalamat sa Poong Maykapal ang nasambit nila kasama ang kanyang tagapagsanay na si Gng. Daisy C. Balasabas.
Sa mga kalahok at nanalo, Kudos!!! (Daisy C. Balasabas, Teacher III, DepEd Butuan City Division)
